Sefydlwyd Cymdeithas Owain Glyn Dŵr ym 1996 o ganlyniad i ysgogiad Adrien Jones o Landeilo. Ei phrif nod yw anrhydeddu cof un o gymeriadau enwocaf hanes Cymru, ac yn wreiddiol canolbwyntiodd ar dair tasg benodol:
1. trefnu adeiladu cofadail addas i Owain Glyn Dŵr: dadorchuddiwyd cofadail ym Machynlleth ar Fedi 16eg, 2000 i nodi 600 mlynedd ers dechrau'r Gwrthryfel;
2. ceisio canfod lleoliad bedd Owain a’i ddynodi’n addas: cynhaliwyd arolwg yn Monnington Straddel yn 2000 ond gyda chanlyniadau amhendant;
3. gwaddoli ysgoloriaeth yn ei enw: cyflwynir hambwrdd arian i enillydd Gwobr Cyn-fyfyriwr Prifysgol Wrecsam Glyndŵr yn flynyddol.
Mae’r Gymdeithas wedi codi ymwybyddiaeth ynglŷn â chyfraniad enfawr Owain i hanes Cymru gan weithredu fel a ganlyn:
* ymgyrchu dros i hanes canoloesol Cymru fod yn elfen orfodol o'r cwricwlwm yn ysgolion Cymru;
* cyflwyno arddangosfeydd mewn digwyddiadau hanes lleol, Sain Ffagan, Eisteddfodau Genedlaethol ac Urdd, a gwyliau eraill;
* hyrwyddo enw a stori Glyndŵr i gynulleidfa fwy trwy wefan a thudalen Facebook y Gymdeithas.
Nid yw’r Gymdeithas yn perthyn i unrhyw blaid nac i unrhyw enwad crefyddol, ac mae’n derbyn cefnogaeth gan Gymry blaenllaw yn cynnwys aelodau o brif bleidiau gwleidyddol Senedd a San Steffan. Mae’n gweithredu polisi dwyieithog cyflawn, ac mae’n elusen gofrestredig.
(Rhif Elusen Gofrestredig 1073847).
Am fwy o wybodaeth cysylltwch ag un o swyddogion y Gymdeithas; neu yn well fyth ymunwch â’r Gymdeithas.
